Cavalîrs e galetis

Classe prima scuola secondaria di primo grado di Majano

Il cavalîr

clic sulle immagini per ingrandirle

Il cavalîr al è une larve (prime fase de evoluzion dal inset, de pavee, in forme di cuarp tenar e lunc) che covente par produsi sede.

Come par chês atris bestiis tiradis su dal om e son plui razis di cavalîrs. Par tancj agns ogni pais cal tirave su cavalîrs al a cirût di selezionà razis diviersis par trope sede che fasevin, par diametri dal fîl e par colôr de galete.

I ricercjadôrs e volaressin selezionà une varietât che produsedi galetis che costedin poc (in fase di produzion), resistentis a lis malatiis, al cjalt e che mangjedin un poc di dut. Cussì, par podè fa chest, si è afermade la biotecnologjie.

Ce mangjino i cavalîrs?

Il morâr al è un gjenar di plante de famee des "Moracee" origjinari de Asie ma che si cjate al stât naturâl ancje in Afriche e in Nord Americhe. Al è un len di misure medie.

Lis fueis e colin in autun, e an une forme ovâl cuntun un ôr dintât. Lis principâl varietâts che si cjatin in Italie e in Europe e son il Morâr blanc (Morus alba) e chel neri (Morus nigra).

Il morâr al è stât scuvierzût di Marco Polo tal 1271 in Cine.

Chest len al è stât plantât ancje in Friûl par podè da di mangjâ ai cavalîrs che vignivin tirâts su in dutis lis cjasis contadinis. Lu si plantave dulinvie i confins dai cjamps.

Cumò, purtrop, cun la agriculture intensive i cjamps e son simpri plui grancj e lis machinis plui boconis, cussì une vore di morârs e son stas gjavâts parcè che son di intric!

I cavalîrs e mangjin une vore di fueis di morâr di de e di gnot, fasint cussì e cressin di corse.

Cemut si tirial su i cavalirs?

I cavalîrs di cuant che nassin e scomencin a cressi a sun di mangjâ fuee. No mangjin dome cuant che fasin la durmide, val a dì la mude. In dut e fasin cuatri mudis, fasint cussì e dividin la lôr vite in cinc etâts.

Te ultime etât il cavalîr al devente zalut e cun la piel tirade: al vûl dì cal è pront par involuçâsi te galete di sede.

Il cavalîr al bute fûr di dôs busis in bande de bocje une bave fine che cun l'aiar e devente solide. Fasint dai moviments a vot cul cjâf al fas su la galete che je fate di un fîl disponût in 20-30 strâts luncs dai 400 ai 2000 metris.

L'allevament

I cavalîrs si ju tirave su tes cjasis dai contadins, fin cuant che i nestris nonos e jerin zovins.

Lis stanziis dulà che si ju meteve e jerin, par solit, camarons le che si veve di fa fûc e tignì clep.

Par tignì i cavalîrs si fasevin des grisiolis cun vencs o cjanutis le che, cuant che jerin piçui, e vignivin poiâts e le che si meteve la fuee di morâr tacjade fine par nudrîju.

Lis grisiolis e vevin di jessi da spes netadis. Plui e cressevin i cavalîrs e pui e mangjavin, cuant che jerin plui grancj si deve la fuee interie fin a daie cun dut il ramaç.

In 27/28 dîs, dopo lis cuatri durmidis, i cavalîrs e deventavin grancj come un dêt, luncs 7/8 centimetris.

A chest pont e jerin pronts par filà.

Par che fasessin la galete si veve di prontà un "bosc" di stranc e ramaçs, cussì e levin su pis frascjis secjis le che cirivin un puest che ur garbave par scomençà a fa la galete.

Cuant che finivin di fa la galete e vignivin vendûts e cussì lis fameis e rivavin a tirà su cualchi franc.

La trasformazion de galete in filat

Lis galetis e scuegnin jessi lavoradis par podè ve la sede.
Lis lavorazions e son diviersis:

• La lavorazion che in talian si clame "Trattura": al vûl di meti in muel lis galetis in aghe cjalde. Cussì la sostance che ten unîts i fii e devente morbide e si cjate il cjaveç. Le galete e ven disglimuçade par fa rochets di sede crude o grese. Da 100 kg di galetis si puedin fa 25 kg di sede grese. La sede grese non si pues doprà pe tiessidure, e scugne jessi lavorade par che deventedi plui resistente e elastiche.
• Stuarzidure: con cheste operazion si puedin unì doi o plui fii tra di lôr, cun i fii plui biei si fas l'urdît dai tiessûts; invezit, cun chei plui scjars, si fas la trame.
• Sgomadure: cun chest lavôr la sede e ven lavade a di lunc in aghe cjalde con soluzions di savon cal covente par gjavâ la sericine. Se ai sede no si gjave cheste sostance si fas fadie a tenzile e, no dome, e reste ruvide.

In chest mut si à la sede cuete o sgomade che je une vore slisse, morbide e di un blanc lusint. La sgomadure e fas pierdi il 24-30% dal pes ai sede, par chest motîf la sede e ven cjariade. Al vûl dì che ven tratade cun sâi minerâi che si tachin ai fibre. Fasint cussì si à la sede cjariade, la cjarie però no pues superà il 30% parcè che el produtôr  al podarès jessi sanzionât  de lec.

• Scarica il documento in formato pdf

Interviste sui cavalîrs

Interviste fate di Chiara Plos ai none.

I cavalîrs che tu tiravis su fasevino la galete zale o blancje ?
Jo o tiravi su chei de galete zale, in Friûl e jerin i plui doprâts e chei che costavin di mancul.

Dulà tignivistu i cavalîrs prime che fasessin la mude?
Ju tignivi in tune stanzie a scûr e cjalde, in bande de stale.

Dulà cjolevistu lis fueis di morâr par fâju mangjâ?
O cjolevin lis fueis dai morârs plantâts dulinvie dai confins dai cjamps visin de nestre cjase.

Trop lavôr devial il tirà su i cavalîrs?
Tirâju su al jere un lavoron, soredut parcè che cuant che jerin grancj si veve di daur di mangjâ fuee frescje di continui.
La stanzie dulà che vignivin cressûts e veve di ve une temperadure clipe il plui pussibil in mut che cressessin di corse. Al mes di mai, di cuant che si vierzevin i us e e nassevin i cavalîrs, l'impegn di daur di mangjâ al jeri simpri plui grant. Cuant che jerin piçui lis fueis e vevin di jessi taçadis finis cul peston par ca mangjassin ben. Cuant che cressevin la fuee e vignive dade interie e si le deve simpri plui spes e di plui.
Lis ultimis setemanis , cuant che jerin luncs ancje plui di 5 centimetris e vignivin nudrîs 4 voltis al de. L'odôr in che stanzie al jeri simpri penç.

Cui vignivial a comprà i cavalîrs?
Par solit al vignive un siôr di Pordenon che ju lavorave e ju vendeve.

Cemût vignivial lavorat il cavalîr dopo jessi vendût?
I cavalîrs une volte creâts, e vignivin cjapâts e butâts in aghe cjalde par fa murì il cavalîr dentri de galete. Sal jesseve de galete  al taçave il fîl  e lu ruvinave.

Ce jerie la robe che ti plaseve di plui dal tirà su i cavalîrs?
Mi plaseve une vore il cisicament di cuant che mangjavin la fuee dal morâr, ducj insiemi.

Ce jerie la robe che ti plaseve di mancul dal tirà su i cavalîrs?
La puce che jemplave dute la stanzie.

Ti displasial di ve sbandonat chest lavôr?
Che volte o jeri piçule e  mi visi dome alc leât ai cavalîrs, dut il lavôr lu fasevin me mari e mio pari insiemi ai mei nonos. Sta daur ai cavalîrs al è une vore impegnatîf e al bisugnarès fa une vore di sacrificis e par chest motîfs al è miôr no vêju plui.

I bêçs procurâts dal vendi lis galetis jerin a vonde par rivà a la indevant?
Che volte la economie e jere basade sul lavôr dai cjamps e sul tirà su lis bestiis. Dai cavalîrs si cjapave alc, cun chei bêçs o cjolevin di mangjâ.