Presentazion dal lavôr

Chest librut, stampât in cjase, nol à dentri dome contes bieles di lei. Al à dentri ancje la fadie e la fantasie dai nestris fruts, che a àn lavorât ben e no mâl par parturî peraules e disens (come gjenitôrs, i podês essi braurôs di lôr). Al à dentri la passion di mestres, professôrs e professores che cun pazience a àn menât par man i lôr students intun viaç straordenari ta la lenghe furlane. E, scusait la presunzion, al à dentri ancje la volontât dal nestri istitût, dal dirigjent fin ai bidei, che a àn crodût ta l’impuartance educative di chest progjet.

Dutes las stories a son stades inventades dai fruts, che a àn doprât il furlan cemût che lu fevelin lôr. Si capìs cussì parcè che ancje intune stesse storie si puedin cjatâ formis variabils (par esempli: fûr-fôr-four, o sinò cjases-cjasis e vie indenant). L’intervent dal curadôr al è stât nome chel di sielzi cualche peraule pui proprie e di regolâ l’ûs dai acents e dai caratars.

Ma cumò, vonde cjacares: buine leture a ducj.

Fâs clic sul libri par lei las stories