Identikit di casa mia

Un borc e lis sôs aghis

Scuele Primarie di San Scjefin di Buje
Classe tierce

Chest an Maurizio Tondolo nus à spiegât cemût che a si son formadis lis culinis morenichis; nus à cjacarât dal grant glaçâr che al taponave un biel toc de nestre regjon, dal lât che si è formât cuant che la glace si è disfate, de falde di aghe che e je ancjemò sot dal "Campo di Osoppo - Gemona". O vin capît parcè che a Buje a nassin tancj cors di aghe (o vin viodût cui nestris voi la risultive dal Orzelât in Cjamp). A Buje e je une place che si clame "Piazza delle acque" e nô o sin lâts a San Florean a viodi parcè.

A San Florean o vin viodût

cliche su la figure par ingrandîle

La place (piazza delle Acque)

Su la place e je la latarie.
Propit vicin de place al è il lavadôr su la roie (Roggia Grava seconda).
Un pôc plui in là al è il vecjo mulin di Pastôr su la roie plui antighe (Roggia Grava Prima).

Il Lavadôr

Al è il plui grant di Buje parcè che ancje une volte, cuant che lu àn fat, a San Florean e viveve tante int.

Il mulin di Pastôr

Al à la ruvede idrauliche cu lis palis di fier; e je la aghe de roie che le fâs zirâ.
Al à cjapât il non di un mulinâr che al fo paron dal mulin dai prins dal 1900 e che si clamave Pastore.

Lis rois

A son cors di aghe fats dai oms.
Lis rois di San Florean a àn cirche 400 agns.
La lôr aghe e ven de Ledre. Lis àn fatis passâ intal paîs, dongje des cjasis, par vê dute la aghe che e coventave par vivi miôr.

La aghe des rois e jere une vore impuartante;

une volte le dopravin par tantis robis:

Inviâ il mulin par masanâ la blave e il forment

Meti in vore la see par taiâ i lens

Lavâ la robe intal lavadôr

Produsi la corint

Bagnâ i cjamps

Beverâ i animâi (vacjis, cjavai …)

Pescjâ par mangjâ il pes

Schede di Ativitât o di Verifiche