italiano | furlan
Zûc dal Orculcasele 57
GLESEUTE DE MADONE (Sedean)
frache sul disen par ingrandîlu
I mûrs a son dal XVI secul; tal templâr di un barcon de façade e je la date dal 1574 ma la costruzion di cumò e presente carateristichis de fin dal Sîscent e de prime metât dal Sietcent.
La aule e je retangolâr; la cube e je cuadrade cui cjantons spigolâts e il sofit arcât. Sul col de façade e je une bifore pes cjampanis; sul denant un puarti cun trê vierziduris e l’arc sbassât. Sore de puarte di jentrade al è un basrilêf di piere di stampe classiche.
Dentri si cjate une statue di len de Madone che e varès di sei di un intaiadôr di buine man de seconde metât dal Cinccent. Cheste forme iconografiche e rivà in Friûl daspò de bataie di Lepanto (1571), an de fin de menace turche in ocident; plui oparis a forin fatis in chê ocasion par ringraziâ di vê scjuvît il pericul.
PILIGRINAÇ DE MADONE DAL ROSARI
Dopomisdì di Pasche si fâs une procession de glesie parochiâl ae glesie de Madone dal Rosari.
Al è di tant timp che si le fâs par vie di un avôt che chei di Sedean i bramarin ae Madone par vuarî di une malatie che e veve cjapade la zone.