italiano | furlan
Zûc dal Orcul casele 9
CUCAGNE
frache sul disen par ingrandîlu
Grions
La cucagne al è un zûc popolâr che a Grions si lu fâs tal mês di Lui, intant de fieste di sante Ane.
Adalt di un pâl onzût di gras si picjin angurie, salams, balons di aghe; i zovins, un sore des spalis di chel altri, a fasin une scjale fintremai che un al rive in ponte par dispicjâ la cucagne.
Coder
A Coder, la ultime di Avost, i zovins dal paîs a organizin il zûc de cucagne. A alcin sù un pâl alt sù par jù 9 metris e adalt a picjin cualchi premi.
Te stesse domenie si fâs ancje la procession e ducj i zovins a van a puartâ la statue de Madone pes viis dal paîs.
inide la liturgjie dute la int e va sot dal pâl par spietâ i zovins che a son daûr a cambiâsi. Cuant che a rivin ducj ur batin lis mans, sei pai vistîts che a àn sù, sei pal traspuart, ogni an plui origjinâl.
I fantats a tachin a ingrumâsi sot dal pâl tacant di chei plui ben metûts fin a rivâ in ponte cun chel plui sclagn. Cuntun pôc di sacrifici a rivin a cjapâ ducj i premis. La int e bat lis mans e i fantats a fasin fieste fin a straoris.