Lavori in corso -O sin daûr lavorâ
Progetto di Friulano 2010/2012
CollinRete - Rete di scuole del Friuli collinare
A proposito di scrittura
La Gotute Pluc e i Mistîrs
Chest libri, La Gotute Pluc e i Mistîrs, al nas di une biele esperience di colaborazion tra lis classis tierce e cuarte de scuele di Vile e di chês de scuele di Trep.
A Vile chest an i fruts a àn podût cognossi il mont dal lavôr e dai mistîrs; a Trep, invessit, a àn lavorât sul teme de aghe.
La idee des mestris e je stade chê di meti dongje i doi argoments e cussì a son nassudis chestis storiis di mistîrs che a àn a ce fâ cu la aghe.
Lavorant a grups, i fruts di Trep a àn inventât tancj pussibii iniziis di une storie, i fruts di Vile a àn sielt chel che ur plaseve di plui e di chest si son vierts i rubinets di cinc storiis diferentis: par ogni storie i fruts di Vile a àn scrit un tocut de continuazion, po dopo chei di Trep a son lâts indevant ancjemò un tic e i fruts di Vile a àn scrit il finâl.
La fantasie a à navigât su lis corints de pueste eletroniche e dal divertiment.
Ae fin lis classis, simpri lavorant a grups, e simpri doprant il furlan come lenghe di lavôr, a àn fat i dissens.
Il libri finît al à partecipât al concors de SOMSI di Buje e al è stât esponût ae mostre dal libri di Collinrete tal bielissin Hospitale di San Tomâs.
Fâs clic sul dissen par ingrandilu
La storie e tache cussì
Trep
Pluc e je une piçule gote di aghe che e vîf intal grant lât sot tiere, cun dutis lis sôs amiis gotutis. Intal lât si sta propit ben: al è dut trancuil, pacjific e cidin.
Un dì, di bot, si sint une grande vibrazion e Pluc e dutis lis sôs amiis gotutis si sintin tiradis sù a dute velocitât, po dopo sburtadis a fuarce dentri intun tubo, un puest stret, lunc, scûr e frêt. Ur tocje cori … che plui di corse no si pues!
Cun dut chel cori, a Pluc i zire il cjâf, si cjate mo cui pîts par aiar, mo metude di traviers e no capìs plui dulà che e je. A un ciert pont … SBRUNF… dut si ferme. Pluc e va a sbati cul nâs intal tubo … AHI!
- Finalmentri! - e dîs - No podevi pl… - ma no à il timp di finî di tabaiâ che … cualchidun al vierç il rubinet!
Lei cemût che e va indevant
Per gentile concessione dell'autore, Vittorio Sgoifo socio del Circolo Fotografico "Ernesto Battigelli" di San Daniele del Friuli