Viaç ae scuvierte dai insediaments de etât dai metai de classe quarte scuele primarie di Cjscjerne

Intal mês di fevrâr 2011 ò vin partecipât a un laboratori didatic sul Neolitic tignût in lenghe furlane de archeologhe Emanuela Pozzo e inserît intal progjet di storie dal Friûl. Il lavôr nus è plasût cussì tant che ò vin decidût di metilu sul sito de nestre scuele e in chel di "Collinrete" intal grant progjèt di rêt "Lavôrs in cors" realizât cu la leç 482.

I modelùs di cjastelîr, lis làstris di ramp e i disegns de tipologije dai cjastelirs è son stads realizâs à nestre cure.

cliche su la figure par ingrandîle

Introduzion

Prime di dut ricuardin cemut che si separe la Preistorie o Etât de piere

L'Etât de piere si divît in Paleolitic, in Mesolitic e in Neolitic.

Intal Paleolitic inferiôr l'om al organize i prins incjampaments a viert, al pronte imprescj di silice e al è bon di paronâ il fûc.

Intal Paleolitic medi a nassin lis primis manifestazions di spiritualitât, tant che lis sapulturis. La sclesadure de piere e devente plui buine.

Cul Paleolitic superiôr l'om moderni (homo sapiens) al impare a lavorâ la piere in mût simpri plui sofisticât.

Intal Mesolitic i grups umans a elaborin une economie slargjade, atente a dutis lis ufiertis dal ambient. L'invenzion dal arc al permet al om preistoric di cjaçà nemai grancj come il cierf.

I cjaçadôrs a dopravin diviersis parts dal cierf par prontâ ogjets di grande utilitât pe vite quotidiane.

Ancje noatris, cun la piel o vin provât a preparâ une picjule borse di piel par meti dentri dut ce che podevin cjatâ in nature.

lis nestris borsutis fatis senze doprâ gusèlis

Viers la fin dal Neolitic a comenze une gnove etât clamade Protostorie o Etât dai metai:

• Etât dal ramp
• Etât dal bronç
• Etât dal fier

L' Etât dai cjastelîrs e ven subite dopo l' Etât de piere e subite prime de Storie.

Cronologjie

Lis scuviertis no vegnivin fatis dutis intal stes moment e, des voltis, al coventàve tant timp prime che lis gnovis e rivassin intun atri paîs.

Difati cuant che inte Mesopotamie l'omp al scuvierç il metal, chì in Friûl o sin acjemò intal Mesolitic.

Chest al sucedeve parcè che al ocoreve tant timp par imparâ a lavorâ i metai, a preparâ i imprescjs e a puartaiu in atris lucs.

No jerin stradis fra un puest e chelatri e duncje bisugnave preparasi di besoi i sintîrs.

L'etât dal ramp

Chest periodo, che al va dal 2500al 1800 prin di Crist al ven clamât Cuprolitic o ancje Eneolitic. I prins a scuviergj il ramp a son stâs i Egizi.

Il ramp al è une vore tenar e intal prinzipi al vignivi lavorât dome cuntune piere.

Vuè i studiôs clamin al ramp cuntune sigle Cu, che ven de peraule "Cupros" come che jere clamade l'isule di Cipro che a ere ricje di ramp. Chest metal no si cjate dapardut e alore la int e scomençe a movisi par là a cirilu.

Il ramp al è impuartant, ma no l'à gambiade la vite das personis che continuin a doprà la piere. In Friûl no si cjate il ramp e, par chest, lis olmis de etât dal ramp son une vore pocjis (Trieste, San Vito al Tagliamento probabilmenti puartât di qualchidun par scambialu cun atris materiai).

Lis scenis incidudis a sbolz sul ramp presentin moments di fieste, animâi, plantis e vuerîs

L'etât dal bronç (1800 – 900 prin di Crist)

Il bronç nol'è un metal natural, ma une leghe, sarès a dî une union di doi metai: ramp e stain.

Cun chest metal si fasin curtiss, armis, arnês di tai. In chest periodo començin lis vueris, parcè che la int si sposte par là à çirî i metai. Il stain si cjate in Austrie e in Gjermanie e, sicome il Friûl al è su la strade che va a nord, i vilaçs vignivin tacâs e par chest i soi abitants an scielzut di fortificaiu.

In dut il Friûl si son cjatadis olmis di cjastelîrs che, inte etât dal fièrr deventin plui grancji par podê controlâ miôr il teritori. In etât romane, sul situ dai cjastelîrs, saran costruîs insediaments plui impuartants, sarès a dì che i omps protostorics savevin scielzi ben i puesçs indulà costruî i vilaçs.

Ce sono i cjastelîrs?

Son insediaments de etât dal bronç e dal fier dulà che vivevin i omps de protostorie: si cjatin intune posizion dominante o protete: dongje i valics, lis valadis o lis rivis dai flums, dongje dal mâr o in tjeris fertilis. I oms protostorics an continuât a costruì i cjastelîrs par cirche mil agns e chest al vuel dì che il sisteme di protezion al funzionave.

Pe posizion geografiche i cjastelîrs a son di tre tipos, secont la zone e la maniere in cui e son stâts fats.

Il cjastelîr di planure

Al veve une forme cuadrade e al vignive costruît suntun teritori plat (par esempli a Merêt di Tombe, a Savalons, a Sedean, a Gjalerian). Al jere protezût cun spaltadis e paladis fatis cun pâi di rôl. Dentri dal vilaç al veve di sei il puest dome par un piçul numar di abitazions, cun plante retangolâr e il cuviert cun doi plovês, cul paviment e lis parêts protezutes cuntun strât fis di arzile.

Il cjastelîr dongje dai côrs di aghe

Al veve une forme divierse rispiet a chel di planure e al vignive costruît suntune ponte di tjare dongje lis rivis di flums par podê sfrutâ lis tantis risorsis che l'aghe a dave. La spaldate plui alte vignive costruide intal pont scuviert, chel no protèt dal flum.

Olmis di cjastelîrs di aghe si cjantin intal Cividalês e dongie dal flum Livence. I cjastelîrs di aghe vevin grande impuartanze parcè che controlavin une impuartante vie di cominicazion.

Il cjastelîr di alture, dal Carso e de Istrie

Vevin forme circolâr e i mûrs vignivin costruîts usant la piere cun cui si fasevin plui files. Podevin jessi di diviersis dimensions: i pui grancj servivin ancje come abitazion, i pui picjui vevin un ûs difensîv pal teritori. I cjastelîrs erin in comunicazion fra di lôr e si iudavin in dutes lis situazions di pericul.

Tipologje dai cjastelîrs

Bibliografie

"Preistoria nell'udinese" a cura del Museo di Storia Naturale

"Preistorie in Fiûl" dal Consorzi Universitari dal Friûl