La leggenda di Ermagora e Fortunato
Il Cristianesim al rive in Friûl
A Aquilee, impuartant centri comerciâl metût tra l'Orient e Ocident, a erin rivades tantes religjons, un pôc di dut l'Imperi.
La comunitât cristiane di Aquilee a vares di jessi nassude viers la fin dal II secul dopo di Crist, ma, fin tal III secul, la religjon uficiâl a è ancjemò che politeiste dai romans.
La Glesie aquileiese a ven nomenade, pa prime volte, intun document dal 314 dopo di Crist, dulà che si tabae di jê come di une das comunitâs cristianes plui impuartantes dal Ocident.
Simpri tal 314, l'influence da la Glesie aquileiese, grazie a la so opare missionarie, si sares slargjade dal Venit, dal Friûl e dal'Istrie fin a la Baviere, a la Svissare e a l'Ungjarie.La liende di Ermacore e Fortunât
Secont la tradizion, san Marc al è stat mandât di san Pieri a predicjâ il Vanseli ad Aquilee.
Chi al à fondât la prime comunitât cristiane e al à cognussût Ermacore. Colpît da la sô profonde fede, san Marc lu à invidât a Rome e lu à presentât a san Pieri che lu à nomenât prin vescul di Aquilee.
Tornât ta la sô citât, Ermacore al à comenciât a contâ a ducj il messagjo dal Vanseli. Al è stât denunciât a lis autoritâts imperiâls, al è stât impressonât, processât e torturât par obleâlu a rinunciâ a la religjon cristiane.
Ancje in preson Ermacore al à continuât la sô mission: al à convertît il carcerîr Ponzian, il nobil Gregori e lis sôs cuatri fies, al à guarît Alessandre ch à ere uarbe e al à nomenât so diacul Fortunât.
A Ermacore e Fortunât ur vegnarà taiât il cjâf. I doi sants a vignaran soterâts insieme a la presince di Ponzian, Gregori e Alessandre.
La lôr storie a è contade dai frescs che si cjatin ta la cripte da la Basiliche di Aquilee.
