E jere une volte, tal timp dai drâcs e da lis striis, une famee une vore puare che a veve un fi tant coragjôs, abil e svelt che al decidè di lâ ator pal mont e cjatâ la sô nuvice. Un dì al rivà intun cjistiel maledet tal mieç di un lâc. In chel cjistiel e jere une principesse serade dentri intune tor. Par traviersâ il lâc al domandà une man a un mostri marin, che al viveve tal lâc e che al podeve rivâ tal cjistiel par un passaç sotmarin. ”Mi judistu a jentrâ tal cjistiel?” Il mostri: “Sì! Però no tu âs di tabaiâ cun nissun, dome cu la principesse!” “Va ben” al rispundè il zovin.
Rivât tal cjistiel, al sintì da las vôs che a disevin: “Se tu nus scoltis, tu deventarâs miliardari…”. Il zovin al fasè fente di nuie. Dopo al viodè une robe blancje che a i coreve daûr; e jere une biele fantate cui cjavei luncs e bionts, i voi celescj e une vôs melodiose, che a i domandave cui che al fos e cemût che si clamave. Lui al fo subit rapît da la sô bielece e si metè subit a tabaiâ cun jê. Di bot une lûs a colpì i voi dal fantat, che al si cjatà tal pont di partence, fûr dal cjistiel. Lui si sintì in colpe; ma sperançôs al tornà a cjaminâ dilunc la vie. Dopo al viodè un ors che a i disè: “No stâ preocupâti: jo i soi to amì!” “Sêstu chi par judâmi?” al domandà lui. “Sì” al disè l’ors, che cuntun colp di code al fasè une magjie e al mandà il fantat devant dal diaul: “Sêstu rivât finalmetri? Cumò combatìn”. Dopo trê oris di combatiment il fantat al vincè e al liberà la principesse. I doi si maridarin e a viverin feliçs e contents.