A ere une zornade di unvier, plovose e spaventose. Tal so laboratori, Jacum la Sience, inventôr e matematic di fame mondiâl, al stave lavorant tune gnove invenzion cul so aiutant e amì Mr.X.
Jacum la Sience al à telefonât ai soi doi amîs Fede e Aladin par fâju lâ tal so laboratori, parcè che al veve une novitât. I doi fantats rivâts tal laboratori, a lerin ta la stanzie di Jacum la Sience che ju acetà tant ben.
A tabaiarin un pôc; po Jacum ur fasè viodi la sô gnove invenzion: une machine spaziâl!
Jacum la Sience al disè che i soi doi amîs e il so assistent a vevin di partî par impedî a Alaxander di cambiâ il cors da la storie; al à spiegât che a vevin di tornâ tal passât. Però a saressin stades dôs guardianes di passâ par traversâ la linie temporâl dolà che al ere passât il spaventôs Alexander.
A partirin; a rivarin tal spazi; si cjatarin devant di une puarte cun sore scrit: Prime prove, gjeografie. A vierzerin la puarte e si cjatarin devant une guardiane, che in realtât a ere une prof di gjeografie di non Gea. Gea a domandà: “Cuâl mês aial 28 dîs?”
Fede, Mr.X e Aladin a pensarin su; dut un bot Fede al rispundè just: “Fevrâr”.
A partirin par rivà intun’altre puarte, la cjatarin. Parsore al ere scrit: Seconde e ultime prove.
Fede, Aladin e Mr.X a entrarin, a vioderin une altre prof di non Celule; a ere la prof di sience. A domandà un indovinel che al diseve: “Cuâl êse chel animâl che di matine al cjamine cun cuatri çatis, dopomisdì cun dôs e la sere cun trê?”
Ducju a pensarin sù; dopo un pôc Mr.X al rispuindè coretementri disint ch’al ere l’omp.
Dut un bot di tiere si vierç un bûs neri; Fede, Aladin e Mr.X a entrarin e si cjatarin intune stanzie spaventose, dolà che al ere Alexander che al disè: “Us stavi spetant!”
A començarin a combati. Dut un bot Aladin al fasè colâ Alexander, che al cjapà une tonade tal cjâf e al diventà bon. Cu la machine spaziâl a tornarin ducju su la tiere contents.