Une volte, tant tant timp fa, intun ream tant tant lontan al jere un strion neri che a si clamave Mortus, parcè cui che a lu cjalave dret tai voi al vignive pietrificât.
Un dì al le dal re fasint fente di sei un messir. Rivât devant dal re Eragon, si gjavà il capucjo e al cjalà dret tai voi il re, che al restà pietrificât e Mortus al scjocà i dêts e al scomparì.
Un dì il fi dal re, che a si clamave Aragon, al le a cjace e al incontrà un om vistût come chel rivât tal cjistiel une setemane prime. Alore, cence spetâ, a i gjavà i voi. Al veve reson: al jere Mortus. Par tornà a vê la viste, chest al veve di copâ l’unicuar, che al ere dome un esemplâr in dut il ream e al partignive al fradi di Aragon.
Aragon si metè in viaç viers il cjistiel di sô mari e so fradi Bastian, par difindi l’unicuar. Rivât tal palaç al domandà subite dolà che al ere l’unicuar e Bastian a i domandà parcè che al cirive la bestie; Aragon al spiegà a lôr ce che al podeve sucedi se Mortus al cjatave l’unicuar.
Protete ben ben la bestie intune tor magjiche, a formarin un esercit fat dai miôr vuerîrs dal ream, par lâ in batae cuntri il strion neri e il so potentissim esercit di orcui e altris animâi dal mâl. Rivâts sul cjamp di batae, si schierarin di front da las fuarces dal mâl, za prontes par il combatiment. L’esercit dal ben, comandât di Aragon e di Bastian al ere pront pal atac. Cumò si viodè Torus, il comandant dal mâl che al ere il fradi di Mortus.
A la fin da la batae, il comandant dal mâl e Bastian a lotarin fin a cuant che la spade di Bastian e la spade di Torus a infilzarin ognune l’aversari. Alore Aragon par vendete al corè tal cjistiel dal strion neri, che lu spetave. Chi al vignì four un combatiment al ultin sanc tra la magjie di Mortus e la spade magjiche che a faseve scût a Aragon.
Dopo oris e oris di combatiment Aragon cun las sôs ultimes fuarces al rivà a vinci Mortus.