torna alla pagina della presentazione

A trente agns dal Orcolat

Nus je sucedût divierses voltes di sintî i nestris gjenitôrs tabaiâ da l’esperience dal taramot, che a àn vivût cuant ch’a vevin plui o mancul la nestre etât. Il passât sîs di mai a si son celebrâts i trente agns da la teribil scosse che e à sdrumât tancj paîs dal Friûl e al à copât mil persones.

Sedean nol è stât un paîs dai plui fiscâts, ma ancje chi a son stades pôre e spavent. La int e à vivût cualchi mês interogantsi sul avignî ancje parcé che las scosses – ancje se cun mancul fuarce – a si son ripetudes e la situazion, dopo, e à metût un pôc a stabilizâsi. I nestris gjenitors nus àn contât che dopo il taramot, e par cuasi dut il mês di mai, a Sedean e jere mancjance di aghe parcè che si jere rot l’acuedot par vie da la scosse. Las persones dai nestri paîs par chest motîf a lavin a cjoli l’aghe tai poçs, però ciertes voltes l’aghe no jere di bevi; alore a rivavin a Grediscje e a San Lurinç dai riforniments cun dai furgons ch’a vegnivin di Blauç, parceche là e je la centrâl dal acuedot.

Chê che e podeve jessi nome une tragjedie, e je stade ancje l’ocasion par une rinassite che e je par nô un motîf di braure. I Furlans infats no si son pierdûts di coragjo: a si son organizâts, a àn puartât vie las maseries e a àn fat sù gnoves cjases plui resistentis e cun criteris plui modernis

Daniel Di Lenarda
Matteo Valoppi