Vile

Pluc si cjate tal lavandin di un siôr che si stâ par lavâ i pîts:- Judaitmi par plasê! O stoi par inneâ e a mi brusin tant  i voi!

A pene che il siôr al poie il pît tal lavandin, la aghe e sclipigne ator e Pluc e salte fûr e e va a finî intal scaric de doce…

Trep

Intes fognis Pluc e cjate Ploc, une altre gotute di aghe.

Pluc e je lade a sbati intun pâl e e je un pôc rimbambide e Ploc le jude a tirâsi sù. Dopo un pôc, a viodin parsore di lôr un tombin viert. Un rai di soreli al jentre.

-Uuuuh, ce cjalt!- a disin. A comencin a sintîsi simpri plui lizêris… fin che il soreli lis fâs svaporâ.

Vile

Cul frêt Pluc e la sô amie Ploc a colin e a deventin nêf.

Al rive un frutin e al fâs un pipin di nêf e cussì al cjape su ancje Pluc e Ploc.

Ce biel che o soi!- al dîs il pipin di nêf.

Subit dopo Plic e Ploc a sintin un sunsûr….

- Judainus! Ce sucedial?

Ma al è masse tart: il spacenêf lis à ingrumadis intal agadôr de strade e SPLASH …. cussì dut al torne a scomençâ!